Maqsad va qamrov
«Acta Education» - Xalqaro ilmiy jurnal, O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 2023 yil 30 avgust kuni ommaviy axborot vositasi sifatida ro‘yxatdan o‘tkazilgan, litsenziya raqami №122187. ISSN: 3030-3141
Jurnal ta'sischisi Tashkent International University of Education Xalqaro Universiteti.
Jurnalning asosiy maqsadi — ta’lim tizimini rivojlantirish, pedagogik jarayonlarni takomillashtirish, zamonaviy axborot texnologiyalari va sun’iy intellekt yutuqlarini ilm-fan va ta’limga joriy etish, aniq, tabiiy va texnika fanlari doirasidagi fundamental, nazariy va amaliy tadqiqotlar natijalarini keng ilmiy jamoatchilikka yetkazishga qaratilgan original, yuqori sifatli va qat’iy taqrizdan o‘tgan ilmiy ishlarni nashr etish учун xalqaro ilmiy platformani shakllantirishdan iborat.
Jurnal quyidagi yo‘nalishlarni qamrab oladi, ammo ular bilan cheklanmaydi:
Pedagogika va ta’lim
Ta’lim nazariyasi va amaliyoti, o‘qitish metodikasi, zamonaviy pedagogik texnologiyalar, ta’lim sifatini oshirish, uzluksiz ta’lim tizimi, maktabgacha, umumiy o‘rta, professional va oliy ta’limga oid ilmiy tadqiqotlar.
Ta’limda innovatsion texnologiyalar
Raqamli ta’lim, elektron ta’lim resurslari, masofaviy ta’lim, interaktiv o‘qitish usullari, smart texnologiyalar va zamonaviy o‘quv platformalaridan foydalanishga oid ilmiy ishlanmalar.
Axborot texnologiyalari va sun’iy intellekt
Dasturiy ta’minot, raqamli tizimlar, ma’lumotlar tahlili, mashinaviy o‘rganish, sun’iy intellekt texnologiyalari hamda ularning ta’lim, ilm-fan va amaliy sohalardagi qo‘llanilishiga bag‘ishlangan tadqiqotlar.
Aniq va tabiiy fanlar
Matematika, fizika, kimyo, biologiya va boshqa tabiiy fanlar bo‘yicha fundamental va amaliy tadqiqotlar, ilmiy nazariyalar, tajriba natijalari hamda ushbu fanlarni o‘qitish metodikasiga oid ishlanmalar.
Texnika fanlari
Muhandislik, texnologik jarayonlar, ishlab chiqarish tizimlari, innovatsion texnik yechimlar, texnika fanlarining nazariy va amaliy masalalariga doir ilmiy maqolalar.
Fanlararo tadqiqotlar
Pedagogika, axborot texnologiyalari, sun’iy intellekt, psixologiya, sotsiologiya, tabiiy va texnika fanlari kesishgan nuqtalarda olib borilgan kompleks ilmiy izlanishlar va innovatsion yondashuvlar.
Ta’lim boshqaruvi va islohotlari
Ta’lim siyosati, boshqaruv mexanizmlari, institutsional rivojlanish, xalqaro tajriba, ta’lim tizimidagi islohotlar va ularning samaradorligiga oid ilmiy tahlillar.
Kadrlar tayyorlash va kasbiy rivojlanish
Kasbiy kompetensiyalarni shakllantirish, pedagog kadrlar tayyorlash, malaka oshirish, zamonaviy kasbiy ta’lim yondashuvlari va inson kapitalini rivojlantirish bilan bog‘liq tadqiqotlar.
Xalqaro missiya
“Acta Education” jurnali ta’lim, ilm-fan va innovatsiyalar sohasida ilmiy bilimlarni erkin tarqatish uchun ochiq xalqaro platformani taqdim etadi. Jurnalning asosiy vazifasi — ilmiy natijalarni ommalashtirish, ilg‘or ilmiy va pedagogik tajribalarni almashish, xalqaro ilmiy hamkorlikni rivojlantirish, zamonaviy tadqiqotlarni qo‘llab-quvvatlash va mintaqaviy ilmiy ishlanmalarni global ilmiy maydonga integratsiya qilishdan iborat.